عمرو أديب ساخرا من الهوس بالمستلزمات المدرسية: لعن الله السبلايز (فيديو)

سخر الإعلامي عمرو أديب، من هوس التلاميذ بالمستلزمات المدرسية بالتزامن مع بدء موسم الدراسية، قائلا: “لعن الله السبلايز اللي بنشوفها في الوقت ده”.

وقال  عمرو أديب”، خلال تقديمه برنامج “الحكاية” المذاع من خلال قناة “إم بي سي مصر” أن التلاميذ في الوقت الحالي أصبح لديهم هوس بالسبلايز والأدوات المدرسية بشكل غير طبيعي على عكس ما كان يحدث في الماضي على حسب وصفه.

زمان اللي مقلمته تبقى فيها منقلة وبرجل يبقى أبوه غني

وأضاف عمرو أديب: “إحنا زمان اللي مقلمته تبقى فيها منقلة وبرجل يبقى أبوه غني، غير بقا الورق الملون، والجلادات والحاجات دي، إحنا على أيامنا كان عندنا الجلادات، أمي كانت بتسهر تجلد كتب الكراريس العربي بجلاد بلون معين، وكراريس الإنجليزي بجلاد معين”.

وتابع: ” الجلاد الجديد أسعاره غير طبيعية، “بجد لعن الله السبلايز وكل الحاجات اللي بقت مأساة على أولياء الأمور، خلاص ده بقا العصر والتكنولوجيا في الوقت الحالي”.